Annamayya Keerthanalu అన్నమయ్య కీర్తనలు

 Annamayya Keerthanalu అన్నమయ్య కీర్తనలు

 Annamayya Keerthanalu అన్నమయ్య కీర్తనలు

1.మిశ్ర హరికాంభోజి -- ఆది

రచన:               అన్నమయ్య

స్వరరచన:         శ్రీ ఎం. బాలమురళీకృష్ణ

ప:        ఇందరికి అభయంబు లిచ్చు చేయి

            కందువగు మంచి బంగారు చేయి

చ: 1     వెలలేని వేదములు వెదకి తెచ్చిన చేయి

చిలుకు గుబ్బలి కింద చేర్చు చేయి

కలికియగు భూకాంత కౌగిలించిన చేయి

వలనైన కొనుగోళ్ల వాడి చేయి       ||ఇందరికి||

చ: 2     తనివోక బలిచేత దానమడిగిన చేయి

ఒనరంగ భూదాన మెసగు చేయి

మెనసి జలనిధి యమ్ముమెనకు దెచ్చిన చేయి

ఎనయ నాగేలు ధరియించు చేయి ||ఇందరికి||

చ: 3     పురసతుల మానముల పొల్లసేసిన చేయి

తురగంబు బరపెడి దొడ్డ చేయి

తిరువేంకటాచలాధీశుడై మెక్షంబు

తెరువు ప్రాణుల కెల్ల తెలిపెడి చేయి ||ఇందరికి||

2.ఆనందభైరవి - ఆది

రచన:               అన్నమయ్య

స్వరరచన:         శ్రీ జి. బాలకృష్ణా ప్రసాద్

చిట్టస్వరం:         శ్రీ యరగొల్ల శ్రీనివాస యాదవ్

ప:        ఆదిమూలమే మాకు అంగరక్ష

శ్రీదేవుడే మాకు జీవరక్ష

చ:1      భూమిదేవి పతి యైన పురుషోత్తముడే మాకు

భూమిపై ఏడనున్నా భూమి రక్ష

ఆమని జలధిశాయి అయిన దేవుడే మాకు

సామీప్య మందున్న జలరక్ష

చి.స్వ.   నిసగరి గమపా మగమా | గమప సనిద పదప మగమ||

పా మా గరిసనిసా  | పా సా మా గరిసనిసా ||

పా సా నిదపా మగమా | గమపా మాగరిసా ||   ||ఆది||

చ:2      మ్రెయుచు అగ్నిలో యజ్ఞమూర్తి యైన దేవుడే

ఆయములు దాకకుండ అగ్ని రక్ష

వాయుసుతు నేలినట్టి వనజనాభుడే మాకు

వాయువందు కందకుండ వాయురక్ష  ||శ్రీ దేవుడే||

చ:3      పాదమాకాశమునకు పారజాచే విష్ణువే

గాదిలియై మాకు ఆకాశరక్ష

సాధించి వేంకటాద్రి సర్వేశ్వరుడే మాకు

సాదరము మీరినట్టి సర్వరక్ష         ||శ్రీ దేవుడే||

 

3.మధ్యమావతి -- ఆది -- తిశ్ర నడ

రచన:               అన్నమయ్య

స్వరరచన:         శ్రీ జి. బాలకృష్ణా ప్రసాద్

చిట్టస్వరం:         శ్రీ యరగొల్ల శ్రీనివాస యాదవ్

 

ప:        ఈడగు పెండ్లి ఇద్దరి చేసేము

చేడె లాల ఇది చెప్పురుగా

చ:1      పచ్చిక బయళ్ల పడతి యాడగా

ముచ్చట కృష్ణుడు మెహించి

వెచ్చపు పూదండ వేసి వచ్చెనట

గచ్చుల నాతని కానరుగా

చి.స్వ:   నిసరిమ పనిపమ మపమరి రిమరిస |

రిమపని సరిసని నిసనిప పనిపమ ||

రిమరి రిపమ రినిప రిసని పమరిస|

సనిస రిసరి మరిమ పమప మరిరిస ||      ||ఈడగు||

చ:2      ముతైపు ముంగిట ముదిత నడువగా

ఉత్తముడే చెలి వురమునను

చిత్తరువు వ్రాసి చెలగి వచ్చె నొళ

జొత్తువాని ఇటు చూపరుగా         ||ఈడగు||

చ:3      కొత్త చవికలో కొమ్మ నిలిచితే

పొత్తున తలబాలు పోసెనట

ఇత్తల శ్రీ వేంకటేశుడు నవ్వుచు

హత్తి సతిగూడెనని పాడరుగా       ||ఈడగు||

 

4.పాడి -- ఆది

రచన:               అన్నమయ్య

స్వర రచన:        శ్రీ రాళ్ళపల్లి అనంత కృష్ణ శర్మ

ప:        చక్కని తల్లికి చాంగుభళా

చక్కర మెవికి చాంగుభళా

చ: 1     కులికెడి మురిపెపు కుమ్మరింపు తన

సళుకు చూపులకు చాంగుభళా

పలుకుల సొలపుల పతితో కసరెడి

చలముల అలుకకు చాంగుభళా ||చక్కని ||

చ: 2     కిన్నెరతో పతి కెలన నిలుచు తన

చన్ను మెరుగులకు చాంగుభళా

ఉన్నతి పతిపై నొరగి నిలుచు తన

సన్నపు నడిమికి చాంగుభళా      ||చక్కని ||

చ: 3     జందెపు ముత్యపు సరుల హారముల

చందన గంధికి చాంగుభళా

విందయి వెంకట విభు పెనచిన తన

సంది దండలకు చాంగుభళా         ||చక్కని ||

 

5.జోన్పూరి--ఆది

రచన: శ్రీ            అన్నమయ్య

స్వరరచన :        శ్రీ.డి. పశుపతి

ప:        హరి నామము కడు ఆనందకరము

మరుగవొ మరుగవొ మరుగవొ మనసా

చ:1      నళినాక్షుని  శ్రీ నామము

కలిదోష హరము |  కైవల్యము

ఫల సారము బహుబంధ మెచనము

తలచవొ తలచవొ తలచవొ మనసా ||హరి నామము||

చ:2      నగధరు నామము నరక హరణము

జగదేక హితము | సమ్మతము

సగుణ నిర్గుణము | సాక్షాత్కారము

పొగడవొ పొగడవొ పొగడవొ మనసా ||హరి నామము||

చ:3      కడిగి శ్రీ వేంకటపతి నామము

బడి బడినే సంపత్కరము

అడియాలంబిల | నతి సుఖమూలము

తడవవొ తడవవొ | తడవవొ మనసా ||హరి నామము||

 

6.కాపి -- ఆది -- తిశ్రనడ

రచన:               శ్రీ అన్నమయ్య

స్వరచన :          శ్రీ జి. బాలకృష్ణప్రసాద్

ప:        మాధవ కేశవ మధుసూదనా విష్ణు

శ్రీధరా పదనఖం చింతయామి యూయం

చ:1      వామన గోవింద వాసుదేవ ప్రద్యుమ్న

రామ రామ కృష్ణ నారాయణాచ్యుత

దామెదరానిరుద్ద దైన పుండరీకాక్ష

నామత్రయాదీశ నమె నమె ||మాధవ||

చ:2      పురుషోత్తమ పుండరీకాక్ష దివ్య

హరి సంరక్షణా అధోక్షజా

నరసింహ హృషీకేశ నగధరా త్రివిక్రమా

శరణాగత రక్ష జయ జయసేవే      ||మాధవ||

చ:3      మహిత జనార్ధన మత్స్యకూర్మ వరాహ

సహజ భార్గవ బుద్ద జయ తురగ కల్కి

విహిత విజ్ఞాన శ్రీ వేంకటేశ శుభకరం

అహమిహ తవపద దాస్యం అనిశం భజామి ||మాధవ||

 

7.భౌళి -- ఆది

రచన:               శ్రీ అన్నమయ్య

స్వరరచన:         శ్రీ మల్లిక్

చిట్టస్వరం:         శ్రీ యరగొల్ల శ్రీనివాస యాదవ్

ప:        విన్నపాలు వినవలె వింత వింతలు

పన్నగపు దోమతెర పైకెత్త వేలయ్యా

చ:1      తెల్లవారె జామెక్కె | దేవతలు మునులు

అల్లనల్ల నంత నింత |అదివో వారే

చల్లని తమ్మిరేకుల సారస్యపు కన్నులు

మెల్ల మెల్లనె విచ్చి మేలుకొనవేలయ్యా

చి.స్వ:   గాగ పాపదప గపదప గరిసరి |

గగా పాపదప గపదప గరిసరి ||

గరిగ పగప దపద సనిద పగపద |

పద సనిద పగరి సరీగరీ గా

పా దా గపద సా, నీ , |

దా, సనిద పా, గా, రీ, ప ||గరి||  ||విన్నపాలు||

చ:2      గరుడ కిన్నెర యక్షకామినులు గములై

విరహపు గీతముల వింత తాళాల

పరి పరి విధముల బాడేరు | రాగాల నిన్నదివో

సిరి మెగము దెరచి | చిత్తగించ వేలయ్యా ||విన్నపాలు||

చ:3      పంకపు శేషాదులు |తుంబుర నారదాదులు

పంకజభవాదులు నీ | పాదాలు చేరి

అంకెలనున్నారు లేచి | అలమేలుమంగను

వేంకటేశుడా రెప్పలు | విచ్చి చూచులేవయ్యా  ||విన్నపాలు||

 

8.తిలంగ్ - ఆది

రచన :              శ్రీ చిన తిరుమలాచార్యులు

స్వరరచన:         శ్రీ ఏం.ఏస్. బాలసుబ్రహ్మణ్యశర్మ

చిట్టస్వరం:         శ్రీ యరగొల్ల శ్రీనివాస యాదవ్

ప:        అప్పని వరప్రసాది అన్నమయ్య

అప్పసము మాకే కలడన్నమయ్య

చ:1      అంతటికి ఏలికైన | ఆదినారాయణు తన

అంతరంగానా నిలిపిన అన్నమయ్య

సంతసాన చెలువొందే సనకసనందనాదు

లంతటివాడు తాళ్ళపాక అన్నమయ్య

చి.స్వ:   సగ మ పానిసా సనిప నిపమగా|

గమప గపమగస నీసగామ పనిపా||

మగా పమా నిపా సనీ పమా|నిపా సనీ గసా నిపా ||

మగా స నీ గసా నిసా గమా

గమ పనిసగ సాని పామ గా స నిస గమ ||పనిపా|| ||అప్పని||

చ:2      బిరుదు టెక్కెములుగా పెక్కు సంకీర్తనములు

హరిమీద విన్నవించె నన్నమయ్య

విరివి గలిగినట్టి వేదముల అర్థమెల్ల

అరసి తెలిపినాడు అన్నమయ్య ||అప్పని||

చ:3      అందమైన రామానుజ ఆచార్యమతమున

అందుకొని నిలిపినాడు అన్నమయ్యా

విందువలె మాకును శ్రీ వేంకటనాధుని ఇచ్చే

అందరిలో తాళ్ళపాక అన్నమయ్య ||అప్పని||

 

9.హిందోళ -- ఆది -- తిశ్ర నడ

రచన:               అన్నమయ్య

స్వరరచన:         శ్రీ వేదవ్యాస ఆనంద భట్టర్

చిట్టస్వరం:         శ్రీ యర గొల్ల శ్రీనివాస యాదవ్

ప:        కట్టెదుర వైకుంఠము కాణాచయిన కొండ

తెట్టెలాయె మహిమలు తిరుమల కొండ

చ:1      వేదములే శిలలై వెలసినదీ కొండ

ఏ దెస పుణ్యరాశులే ఏరులైనదీ కొండ

గాదిలి బ్రహ్మాది లోకముల కొనల కొండ

శ్రీ దేవుడుంటేటి శేషాద్రి ఈ కొండ

చి.స్వ. మదని సాస సాస నిగస | దసనీ మనిదా గమద||

నీని నీని దసనీ మని | దా గదమా గస గమదని ||

సమగస నిగసని దసనిద | మనిదమ గస నిస గమ దని||  ||కట్టెదుర||

చ:2      సర్వ దేవతలు మృగజాతులై చరించే కొండ

నిర్వహించి జలధులే నిట్టచరులైన కొండ

ఉర్వి తపసులే తరువులై నిలిచిన కొండ

పూర్వపు టంజనాద్రి ఈ పొడవాటి కొండ ||కట్టెదుర||

చ:3      వరములు కొట్టారుగా వక్కాణించి పెంచే కొండ

పరుగు లక్ష్మీకాంతు శోబనపు కొండ

కురిసి సంపదలెల్ల గుహల నిండిన కొండ

విరివైన దిదివో శ్రీవేంకటపు కొండ  ||కట్టెదుర||

Facebook

శ్రీ వాసవీ కన్యకాపరమేశ్వరీ దేవి జీవిత చరిత్రము