Tantrokta Ratri Suktam - తంత్రోక్త రాత్రి సూక్తం

 Tantrokta Ratri Suktam - తంత్రోక్త రాత్రి సూక్తం

Tantrokta Ratri Suktam - తంత్రోక్త రాత్రి సూక్తం

విశ్వేశ్వరీం జగద్ధాత్రీం స్థితిసంహారకారిణీమ్

నిద్రాం భగవతీం విష్ణోరతులాం తేజసః ప్రభుః ॥ 1 ॥

బ్రహ్మోవాచ

త్వం స్వాహా త్వం స్వధా త్వం హివషట్కారః స్వరాత్మికా

సుధా త్వమక్షరే నిత్యే త్రిధా మాత్రాత్మికా స్థితా ॥ 2 ॥

అర్థమాత్రాస్థితా నిత్యా యానిచ్చార్యా విశేషతః

త్వమేవ సంధ్యా సావిత్రీ త్వం దేవీ జననీ పరా ॥ 3 ॥

త్వయైతద్ధార్యతే విశ్వం త్వయైతత్సృజ్యతే జగత్

త్వయైతత్పాల్యతే దేవి త్వమత్స్యంతే చ సర్వదా ॥ 4 ॥

విసృష్టౌసృష్టిరూపా త్వం స్థితిరుపా చ పాలనే

తథా సంహృతిరూపాంతే జగతోస్య జగన్మయే ॥ 5 ॥

మహావిధ్యా మహామాయా మహామేధా మహాస్మృతిః

మహామోహా చ భవతీ మహాదేవీ మహాసురీ ॥ 6 ॥

ప్రకృతిస్త్వం చ సర్వస్య గుణత్రయవిభావినీ

కాలరాత్రిర్మహారాత్రిర్మోహరాత్రిశ్చ దారుణా ॥ 7 ॥

త్వం శ్రీస్త్వమీశ్వరీ త్వం హ్రీస్త్వం బుద్దిర్బోధలక్షణా

లఙ్జా పుష్టిస్తథా తుశ్ఃటిస్త్వం శాంతిః క్షాంతిరేవ చ ॥ 8 ॥

ఖడ్గినీ శూలినీ ఘెరా గదినీ చక్రిణీ తథా

శంఖినీ చాపినీ బాణభుశుండీపరిఘాయుధా ॥ 9 ॥

సౌమ్యా సౌమ్యతరాశేషసౌమ్యేభ్యస్త్వతిసుందరీ

పరాపరాణాం పరమా త్వమేవ పరమేశ్వరీ ॥ 10 ॥

యచ్చ కించిత్ క్వచిద్వస్తు సదసద్వాఖిలాత్మికే

తస్య సర్వస్య యా శక్తిః సా త్వం కిం స్తూయసే తదా ॥ 11 ॥

యయా త్వయా జగత్స్రష్టా జగత్పాత్యత్తి యో జగత్

సోపి నిద్రావశం నీతః కస్త్వాం స్తోతుమిహేశ్వరః ॥ 12 ॥

విష్ణుః శరీరగ్రహణమహమీశాన ఏవ చ

కారితాస్తే యతోతస్త్వాం కః స్తోతుం శక్తిమాన్ భవేత  ॥ 13 ॥

సా త్వమిత్థం ప్రభావైః స్వైరుదాదైర్దేవి సంస్తుతా

మోహయతౌ దురాధర్షావాసురౌ మధుకైటభౌ ॥ 14 ॥

ప్రబోధం న జగత్స్వామీ నీయతామచ్యుతో లఘు

బోధశ్చ క్రియతామస్య హంతుమేతౌ మహాసురౌ ॥ 15 ॥

ఇతితంత్రోక్తం రాత్రిసూక్తమ్

వేదోక్త రాత్రి సూక్తం